ДОБРЕДОЈДОВТЕ ВО СВЕТОТ НА КОУЧИНГОТ!

Јас верувам дека промените се дел од животот. Често се соочуваме со непредвидливи ситуации и предизвици. Индивидуална одговорност на секој од нас е да разбереме дека животот е процес, а развојот е избор!

Кога во 2007 година се вратив во Македонија, после 17 годишен престој во Холандија, со голем ентузијазам и желба за колективна трансформација, го основав првиот меѓународно акредитиран Центар за бизнис психологија, Системски НЛП, во Македонија. Од тогаш па наваму неуморно се залагам неформалното образование да го добие своето заслужено место во образовниот систем во Македонија.

Јас сум меѓународно сертифициран и акредитиран НЛП Мастер Тренер и Системски Коуч. Моите сертификати и акредитации се издадени од реномирани светски образовни центри и асоцијации. Покрај горе наведените, јас поседувам и меѓународни сертификати за Јога учител и Холистички терапевт. Низ годините посетував многубројни едукации поврзани со организациски промени и развој, исцелување на трауми и работа со емоционално наследство. Мојот холистички пристап како и професионалноста, доследноста, креативноста, љубопитноста и отвореност кон луѓето, процесите и животот во целост, се инспирација и мотивација за сите мои клиенти кои поминуваат низ лични или професионални процеси на трансформација.

Овој уникатен холистички пристап вклучува когнитивни, емоционални, енергетски, соматски и системски лесно применливи и практични техники со цел да се разберат релациските процеси, обрасци и заплети кои се одвиваат во семејствата, тимовите и организациите во целост.